Portugalete, bi atxilotu ostalaritzako lokal batean indarkeria erabiliz egindako lapurreta bat ikertu ondoren

Ertzaintzak 35 eta 24 urteko bi gizon atxilotu ditu irailaren 4an Portugaleten indarkeria erabiliz egindako lapurreta baten ikerketaren ondorioz.

Hilaren 4an bi gizon Portugaleteko Vista Alegre auzoko ostalaritzako establezimendu batean sartu ziren. Hitz-erdirik esan gabe, batek barran sartu eta bertan zegoen lokalaren arduraduna jo eta lotuta utzi zuen.

Arduraduna lotuta zegoenean, bigarren gizona sartu zen barran, eta kutxa erregistratzailea puskatu eta bertan zegoen dirua hartu zuen. Lapurretaren ondoren, bi pertsona horiek lokaletik irten ziren hainbat botila txikituta.

Establezimenduaren arduradunari ospitalean sendatu behar izan zizkioten eragindako lesio arinak.

Gertatutakoaren berri izan ondoren, Ertzaintzaren baliabide bat berehala agertu zen lekura gertaerak argitzeko informazioa biltzera. Egindako ikerketaren ondorioz, agenteek atzo, asteazkena, atxilotu zituzten gertakariekin ustez zerikusia duten bi pertsona.

Bi atxilotuek era horretako gertakariekin zerikusia duten polizia-aurrekariak dituzte, eta Ertzaintzaren egoitzara eraman zituzten zegozkion polizia-eginbideak hasteko. Horiek amaitu ostean, arrastatuak gaur goizean jarri dituzte Barakaldoko Guardiako Epaitegiaren eskuetan.