Nafarroako Gobernuko Osasun Departamentua dagoeneko prestatzen ari da aurtengo denboraldiko Arnas Birus Sinzitialaren aurkako immunizazio-kanpaina, eta aurten luzatu egingo da 2025eko uztailaren 1etik 2026ko urtarrilaren 31ra bitartean jaiotzen diren haurrentzat – 2.900 inguru, Nafarroako Osasun Publikoaren eta Lan Osasunaren Institutuak (NOPLOI) egindako kalkuluen arabera –. Hala ere, egoera epidemiologikoaren arabera, immunizazioaren hedapena baloratuko da 2026ko otsailean jaiotzen direnetara.
