Nafarroak Akitania-Euskadi-Nafarroa Euroeskualdearen (NAEN) presidentetza utzi du 2028ra arte, 2024tik hona Euroeskualdearen buru izan ondoren. Aldi berri honetan mugaz gaindiko lankidetzan sakontzen jarraituko da, besteak beste, euroeskualdeko herritartasunean, jasangarritasunean, lurralde-kohesioan edo garapen berritzailean.
Ordezkapena gaur goizean gauzatu da, Gasteizen, Euroeskualdearen Urteko Batzarrean, Mathieu Bergé Akitania Berriko eskualde-kontseilaria, María Chivite Nafarroako Lehendakaria eta Imanol Pradales Eusko Jaurlaritzako lehendakaria buru zirela. Batzarreko gainerako kideak izan dira ere bileran eta Batzarra hiru eskualdeetako gobernuetako arduradunak biltzen ditu.
