Nafarroako Gobernuak, Unibertsitateko, Berrikuntzako eta Eraldaketa Digitaleko Departamentuaren bidez, Welcoming International Talent (WIT) programa urtebetean zabaldu du. Neurri horrek 505 440 euroko finantzaketa du, eta aukera emanen du nazioarteko 13 ikertzaileren kontratuen iraupena doktore-ikasketen arloan indarrean dagoen araudian ezarritako gehieneko lau urteko epera egokitzeko.
