Maria Ubarretxena Gobernantza, Administrazio Digital eta Autogobernuko sailburuak Tangerren egiten ari diren Hirien eta Tokiko Gobernuen Munduko Biltzarraren (CGLU) lan-gune nagusietako batzuetan parte hartu du gaur, ekainak 24.
Ubarretxenak Emakumeen Asanbladan, Mugimendu Munizipalista Feminista Globalaren gune politiko nagusian; Eskualdeen Foroan, non lurralde-kohesiorako eta maila anitzeko gobernantzarako erronka berrien aurrean eskualde-gobernuek nazioarteko testuinguruan duten garrantzia jorratu den; eta CGLUren Munduko Kontseiluan, erakundearen erreferentziazko organo politikoan, parte hartu du.
Hitzordu honetan parte hartzeak aukera ematen dio Euskadiri nazioarteko foroetan duen presentzia indartzeko, bai eta autogobernuaren, kalitate demokratikoaren, gobernu irekiaren eta eraldaketa digitalaren arloetan duen esperientzia partekatzeko ere.
