Arriolak Eusko Jaurlaritzaren eta Espainiako Gobernuaren arteko lankidetza «emankorra» azpimarratu du Astigarraga-Irungo trenbide obren bisitan

Iñaki Arriola Lurralde Plangintza, Etxebizitza eta Garraioetako sailburuak, Denis Itxaso Espainiako Gobernuak Euskadin duen ordezkariarekin eta Juan Pablo Villanueva ADIF Abiadura Handiko Trenaren zuzendariarekin batera, Estatuko azpiegituren administratzailea Astigarraga-Irun tartean egiten ari den obrak bisitatu ditu ostegun honetan, Euskal Autonomia Erkidegoko abiadura handiko linea Frantziako sarearekin lotzeko hirugarren haria ezartzeko.

Obrek 52,9 milioi euroko inbertsioa izango dute, zabalera iberikoko egungo trazadura abiadura handiko zirkulazioetara egokitzeko.

Erakundeetako ordezkariek Gaintxurizketako tuneleko obrak bisitatu dituzte. Kilometro erdiko luzera duen tunel honen lanetan,  makina ezkutu bat erabiltzen ari dira, Europan lehen aldiz, lanak eta trenbide bakarreko zirkulazioak bateragarri egiten dituena.

Arriola sailburuak nabarmendu du erakundeek «konpromisoa» hartu dutela azpiegitura berri horren aurrerapenarekin, eta nabarmendu du egungo legegintzaldia «emankorra» izaten ari dela Espainiako Gobernuaren eta Eusko Jaurlaritzaren arteko trenbide-proiektuen arteko lankidetzaren arloan.