Nafarroan 2026-2027 ikasturtean aurrez izena eman duten 3 urteko ikasleen %66,77k ingelesean murgiltzeko programekin (IIP) edo British hezkuntza-programa elebidunarekin egingo dituzte ikasketak.
Guztira 2.928 haurrek hautatu dute ingelesez ikasteko modalitate hori; martxoaren 9tik 13ra bitarteko astean guztira 4.385 onarpen-eskaera erregistratu dira.
Aurrez izena emateko eskaeren %60,46 ikastetxe publikoetarako aurkeztu dira (2.651) eta %39,54 itunpeko ikastetxe pribatuetarako (1.734).
Hizkuntza-ereduei erreparatuta, A eta G ereduetarako (gaztelaniazko irakaskuntza eta gaztelaniazko irakaskuntza euskara irakasgai izanik, hurrenez hurren) 3.081 haurrek eman dute aurrez izena; hots, kopuru osoaren %70,26. Beste 1.304 aurreinskripziok B eta D ereduko (euskarazko irakaskuntza) ikasketak eskatu dituzte, zenbateko osoaren %29,74.
Era berean, aurretiko izen-ematea egiteko denboraldian, 2.306 eskaera egin dira Bigarren Hezkuntzako (DBH) eta Batxilergoko etapetarako eta 914 eskaera Haur eta Lehen Hezkuntzako gainerako zikloetarako.
Iruñean eta Iruñerrian, 3 urteko haurren 2.380 aurreinskripzio aurkeztu dira guztira. Horietatik 1.637 ikaslek IIP edo British ikasketak eskatu dituzte (%68,78). Hizkuntza-ereduen arabera, berriz, Nafarroako hiriburuan, 1.667 aurreinskripzio egin dira A eta G ereduetan (kopuru osoaren %70,04) eta 713 B eta D ereduetan (%29,96). Eskaera horien 44,41ek ikastetxe publikoak eskatu dituzte (1.057) eta gainerako %55,59k itunpeko ikastetxeak (1.323).
Tuteran 3 urteko haurren 272 eskaera egin dira IIP edo British-erako. Horietako 270 A eta G ereduetan (%99,26) eta 2 B/D ereduetan (%0,74). Behin-behineko izen-emate eskaera horien 113 ikastetxe publikoetan egin dira (%41,54) eta 159 itunpeko ikastetxeetan (%58,46).
Iaz, 2025-2026 ikasturte honetarako, guztira 4.598 eskaera aurkeztu ziren. Horietatik %60,55 ikastetxe publikoetarako izan ziren eta %39,45 itunpeko ikastetxe pribatuetarako. %70,24k A/G ereduak eskatu zituzten eta %29,76 B/D ereduak.
La entrada 26-27 ikasturterako aurrez izena eman duten 3 urteko ikasleen %66,7k IIP eta British hezkuntza-programekin ikasiko dute aparece primero en Agencia de Noticias.
