Barneko, Funtzio Publikoko eta Justiziako kontseilari Inma Juríok gaurko Gobernu Bileraren ostean emandako prentsaurrekoan jakinarazi duenez, ostegun honetatik aurrera, martxoaren 26tik aurrera, indarrean sartuko dira bai joko-aretoetako eta apustu-lokaletako sarbideen kontrol eraginkorra, bai ostalaritzako lokaletan jarritako kirol-apustuen makinak erabili ahal izateko identifikatzeko derrigortasuna. Bi neurri horiek Nafarroako Joko eta Apustuen Erregelamendu Orokorrak arautzen ditu. Erregelamendu hori duela urtebete onartu zen eta 21/2022 Foru Legea garatzen du.
