Nafarroako Berdintasunerako Institutuak (INAI/NABI) datorren astelehenean, martxoak 30, 19:00etan, Tuentifourseven dokumentala emango du Nafarroako Filmotekaren aretoan, Nafarroako Liburutegiarekin lankidetzan. Sarrera doakoa izango da, eta saioaren helburua da zaintzei, horien banaketari eta horien balio sozialari buruzko hausnarketa eta eztabaidarako gune bat irekitzea ikuspegi feminista batetik.
