Barakaldoko Udalak udaletxearen ondoan dagoen Herriko Plazako haur-parkea berrituko du. Inguruan gehien erabiltzen den espazioak zabuak eta jolasguneak hartuko ditu, espazio egokituak barne. Azken proiektu hori gehitu zaio azken urteetan hirian berritu diren haur-parkeen zerrendari, eta 4 milioi eurotik gorako inbertsioa egin da.
Barakaldon auzo guztietan daude haur-parkeak. Eremu horiek, kasu askotan, aspaldikoak edo egoera txarrean zeuden, eta hobetzeko jarduketa bat egin behar zen. Beste kasu batzuetan, horien estalkian lan egin da, euria egiten duen egunetan ere erabil daitezkeen jolasguneak sortzeko. «Nolanahi ere, erreformatzen ditugun haur-parke guztietan betetzen dugu haur guztientzat egokitutako zabuak edo jolasak jartzeko konpromisoa. Halaber, ezartzen diren zabu-motak berritzen saiatzen gara, haurrei dibertitzeko modu berriak eskainiz», ziurtatu du Jonathan Martín Gazteriako zinegotziak.
Horixe da berrikuntza integral baten ondoren jendearentzat irekitako azken parkearen kasua: Granados kalearena, Ansioko futbol-zelaiaren atzealdean kokatua. Jarduera hori izan zen Partaidetzazko Aurrekontuetan boto gehien jaso zituenetako bat, Gazteria atalaren barruan. Horren barruan, kalistenia-pista bat, dagoeneko amaitua eta jendearentzat irekia, Ansioko parke berria, tirolina batekin eta sortze-prozesuan dagoen kirol-eremu batekin.
Haur-parkean, 25 metro luzeko tirolina batez gain, zabuak erabat berritu dira, saskidun zabu-joko bat eta haurrentzako dorre aktibo bat ezarriz. Parkean dauden bankuak ere birkokatu eta berritu dira.
UDALATXEKO HAUR PARKEA
Bestalde, hilaren 10ean, astelehenean, Herriko Plazako haur-parkea hobetzeko obrak hasiko dira. Bertan, erabat berrituko dira babes-lurzorua eta egungo zabuak. «Asko erabiltzen den parkea da, eta jolasak zaharkituta geratu dira. Ohe elastikoa, oreka-jolasak, igotzeko soka-joko bat, txirrista duen gaztelu bat eta egokitutako joko bat duen zabu-egitura bat jarriko ditugu», adierazi du Martinek. Proiektuaren kostua 48.400 eurokoa da, eta 3 hilabeteko epea dauka gauzatzeko.
