Haurtxokoek eta Gaztelekuek ateak irekiko dituzte berriro Donostian

Donostiako Udaleko Haurtxoko eta Gaztelekuak, udako oporrak eta gero, datorren irailaren 10etik aurrera, asteartea, irekiko dira berriro.
5 eta 11 urteko haurrek eta 12 eta 17 urteko nerabeek jolas eta ekintza-eskaintza zabalaz gozatzeko aukera izango dute, auzo desberdinetako zerbitzuetan.

Haurtxokoak

Haurtxokoak, irailaren 10ean, asteartea irekiko dira, Antigua Haurtxokoa izan ezik, irailaren 14ean, larunbatean, irekiko baita.
Haurtxokoen ordutegia:

• Asteartetik ostegunera eta larunbatak: 17:00-19:20
• Ostiralak: 17:00-19:50
• Antigua Haurtxokoaren ordutegi berezia: 16:00-18:15

Arratsalde guztian zehar txanda bakarra izango dugu, baina irtetzeko momentu zehatzak egongo dira. Informazio gehiago haurtxoko bakoitzaren agendan kontsulta dezakezu.

Gaztelekuak

Ordutegiari dagokionean:

Altza, Amara, Bidebieta, Egia, Gros, Intxaurrondo eta Martutene
Asteartetik Ostiralera: 17:30-20:00
Larunbata: 17:30-20:30

Aiete
Ostiralean: 17:00-20:30
Larunbata: 16:30-20:00

Antigua
Larunbata: 18:30-21:00

ADINAri dagokionean, gogoratu Haurtxokoetan HH5-LH5 ikasturteetan dauden haurrek parte hartu dezaketela, 2014 eta 2019 urteen artean jaiotakoak alegia. Antiguako Haurtxokoan berriz, 2014 eta 2017 urteen artean jaiotakoak.
Eta Gaztelekuetan berriz LH6tik aurrerako nerabeek; hau da, 2007 eta 2013 urteen artean jaiotakoak.

Kontuan izan parte hartzeko Haurtxokoetako edota Gaztelekuetako BAZKIDE FITXA bete behar dela eta dagokion Haurtxoko/Gaztelekuan entregatuta izan behar dela.

Informazio gehiago lortu nahi baduzu dagokion Haurtxoko/Gaztelekura jo dezakezu.

ETXARRIENE: Irailak 10, asteartea irekiko da.
Astelehenetik larunbatera: 16:30-20:00