EHUko Medikuntza eta Erizaintza Fakultateak aintzatespen-ekitaldi bat antolatu du erakunde laguntzaileek unibertsitateko ikasleen prestakuntza praktikoan duten inplikazioari balioa emateko.
Testuinguru horretan, Laneko Segurtasun eta Osasunerako Euskal Erakundea nabarmendu dute ikasleen prestakuntza praktikoarekin duen konpromisoagatik. Ekitaldi instituzionala joan den maiatzaren 6an izan zen, Bizkaia Aretoan (Bilbo). Jardunaldian zehar opari instituzional bat eman zitzaien erakunde laguntzaileei, egindako lana eskertzeko.
Osalanek irakaskuntza praktikoarekin duen konpromiso iraunkorra nabarmentzeko balio izan zuen ekitaldiak, etorkizuneko profesionalen belaunaldiak lan-osasunaren esparruan gaitzen laguntzen baitu.
Osalanek positiboki baloratu du aintzatespen hori, eta berretsi egin du zerbitzu publiko gisa duen bokazioa eta laneko segurtasuna eta osasuna sustatzera bideratutako prestakuntza-ekimenetan duen inplikazioa.
