Industria, Trantsizio Ekologiko eta Enpresa Digitaleko kontseilari Mikel Irujok Trantsizio Energetikoko Zerbitzuak Nasuvinsa Lursarearen laguntzarekin antolatutako “Deskarbonizatu zure ikastetxea” lehen lehiaketaren sari irabazlea eman du gaur goizean. Lehen edizio honetan, Vianako Erentzun Ikastolako Lehen Hezkuntzako 5. mailako ikasgelak jaso du saria, “Ekintza txikiak, aldaketa handiak” lanarekin. Epaimahaiak aitortu duenez, “modu eredugarrian islatzen ditu lehiaketaren helburuak, proposamen hurbilak, berritzaileak eta ikasleen eta hezkuntza-komunitatearen eguneroko bizitzara erraz eraman daitezkeenak aurkeztuz, eta modu eraginkorrean lagunduz trantsizio energetikoaren eta deskarbonizazioaren arloko sentsibilizazioan”.
