Bizkaia buru-belarri ari da jokatzen orain UEFA Women ‘s Champions League 2024ko finala, San Mames futbol-zelaian maiatzaren 25ean jokatuko dena. Giroa berotzen joateko, Bizkaiko hainbat udalerrik kopa hartu dute beren kirol-ekipamenduetan, herritarrek kopa ikustera joan eta harekin argazkiak ateratzeko aukera izan dezaten. Barakaldo ez da gutxiago izango, eta kopa asteburu honetan gozatu ahal izango du.
Hain zuzen ere, Barakaldo Kirolak-ek gune bat prestatu du Lasesarreko kiroldegiko harreran kopa bi jardunalditan zehar hartzeko. Gune horretara doan sartu ahal izango dira interesa duten pertsonak maiatzaren 11n (larunbata) eta 12an (igandea). Bisita egiteko ordutegia 08:15etik 21:00etara izango da.
«Emakumezkoen futbolaren lehiaketa handienetako bat hurbilagotik ezagutzeko aukera paregabea da, hilabete honetan Bilbon jokatuko baitu finala. Barakaldarrak kopa ezagutzera, berarekin argazkiak ateratzera eta, oro har, kirol ekitaldi honetaz gozatzera animatu nahi ditugu, Bizkaia kirol arloan, kasu honetan emakumezkoen mailan, jarriko baitu berriro «, azpimarratu du Iñigo Asensio Barakaldo Kirolakeko presidenteak.
