Nafarroako Gobernuak, Osasun Departamentuaren bidez, aurrera egin du Nafarroako Osasun Plana prestatzen. Tresna estrategiko horrek osasun politikak eta osasun sistemaren eraldaketa bideratuko ditu datozen urteetan. Plan berriaren zirriborroa Gobernu Irekiaren webgunean parte-hartze publikoaren fasean dago, eta Foru Komunitatearen erronka demografiko, sozial, ingurumeneko eta asistentzial nagusiei erantzun nahi die, osasuna balio kolektibo eta erantzukizun partekatu gisa indartuz.
