Arrazakeriaren eta Xenofobiaren aurkako Nafarroako Arreta Zerbitzuak 265 kasu artatu zituen 2025ean; horietatik %43 kolektiboak izan ziren, eta gainerakoak banakakoak. Guztira, 2.997 esku-hartze egin ziren Iruñeko (1.887) eta Tuterako (1.090) bulegoetan. Hala adierazi du gaur goizean Begoña Alfaro Nafarroako Gobernuko hirugarren lehendakariorde eta Etxebizitzako, Gazteriako eta Migrazio Politiketako kontseilariak. Datuen arabera, zerbitzu hau Foru Komunitateko gorroto arrazista eta xenofoboen aurrean arreta integrala emateko baliabide holistiko bat da.
