Merkatu Tentsionatuko Zona izendatutako 21 udalerrietako alokairuen prezioek jaisten jarraitzen dute. Nafarroako Etxebizitzen Errentamendu Kontratuen Erregistroan (RECA) jasotako datuen arabera, udalerri horietan formalizatutako kontratu berriaren batez besteko prezioa 778,3 eurokoa izan da urteko lehen hiruhilekoan, hau da, %2 jaitsi da 2025eko aldi berarekin alderatuta, eta aurreko hiruhilekoan baino % 1,8 gutxiago. Gogoratu behar da RECA Foru Komunitatean alokairuaren arloan dagoen erregistro publiko bakarra dela.
